‘દિકરી તો પારકી થાપણ કહેવાય’ ગીત માટે કેમ જુઠ્ઠુ બોલ્યા લતા મંગેશકર ?

0
76

ગુજરાતી ફિલ્મ પારકી થાપણ માટે અવિનાશ વ્યાસ દ્વારા લખવામાં આવેલ આ ગીતના સંગીતકાર ગૌરાંગ વ્યાસ છે. ‘દિકરી તો પારકી થાપણ કહેવાય’ ગીત પહેલાં અલ્કા યાજ્ઞિકને ઓફર થયું હતું.

જોકે આ ગીત ખુબ ભાવનાસભર હોવાથી સંગીતકારે ગીત માટે લતા મંગેશકરનો આગ્રહ રાખ્યો. ગીતની ડેડલાઈન નજીક હતી. માત્ર ત્રણ જ દિવસનો સમય હતો. સ્ટુડિયો પણ બુક હતો. પરંતુ લતા મંગેશકર જેવા દિગ્ગજ આટલો જલ્દી સમય આપે તે મુશ્કેલ હતું. છતાં ગૌરાંગ વ્યાસે લતાજીને આ ગીત માટે મનાવી લીધા.

ખુબ જ નવાઈની વાત છે કે એ દિવસે લતાજીએ ખયામ સાહેબના ગીત માટે ગળુ ખરાબ હોવાનું બહાનું બનાવી દીધુ અને સાંજના સમયે ક્યારેય ગીતનું રેકોર્ડિંગ ન કરતાં હોવા છતાં પણ આ ગુજરાતી ગીતને સાંજે રેકોર્ડ કર્યુ. આ ગીત એટલુ બધુ સુંદર રીતે ગવાયુ હતું કે, જ્યારે આ ગીત થિયેટરમાં પડદા પર આવતુ હતુ ત્યારે લોકો સિક્કાઓનો વરસાદ વરસાવતા હતા.

LEAVE A REPLY

Please enter your comment!
Please enter your name here